Torebuda
0,00,-
Lukk
Handlekurven er tom

Delsum: 0,00,-

Lingebakken

Lingebakken er ein frukt- og sidergard på Linge på indre Sunnmøre. Her har det vorte dyrka frukt og bær i generasjonar. No dyrkar vi økologiske eple, pærer og plommer, konvensjonelle moreller og litt surkirsebær, og lagar sider og most basert på eigne økologiske råvarer. 

FILTER
Viser 0 til 0 (av 0 produkter)

Vi som bur og driv her er Elida Brenna Linge og Peje Engström med god hjelp frå mor/svigermor Signe og hennar sambuar Tom. I tillegg har vi døtrene Frøydis og Majken.

Lingebakken har vore ein rein frukt- og bærgard sidan vi slutta med kyr på nittitalet. Elida er sjette generasjon på garden. Epla våre pressar vi her på garden, og derfor har vi god kontroll på heile prosessen, frå epletreet vert sett i jorda til safta har gjæra ferdig til sider. Peje er sidermeisteren, og har med seg sin gode gane og fingerspitzgefühl frå mange år i Frankrike.

Vi dyrkar eple, pærer, plommer, morell og surkirsebær, og dei siste åra har vi også byrja å presse våre eigne eple. Epla, pærene, plommene og surkirsebæra våre er økologiske.

2020 var det første året vi pressa epla våre sjølve, og det resulterte i to typar; ein rein aroma-most og ein rein discovery-most. I 2021 selde vi vår første sider laga av eigne eple. I etterkant har vi også byrja å produsere eplemost av sorten Rubinola, og ein pæremost med 1/3 eple. Både Aroma, Discovery og Rubinola er sterke sortar som eignar seg godt for økologisk dyrking.

Trykk ENTER for å søke